Ndotja e lumenjve ne Shqiperi

[Edvin]

Hidhen ne lumin Kir mbeturinat, ndotja “xhiro” ne Shkoder
Virtyt Abdyli, Gazeta Metropol

Banoret e lagjeve perreth “Varrezave te deshmoreve” shprehen te shqetesuar me fenomenin e fundit te hedhjes se mbeturinave jo shume larg banesave te tyre dhe ne breg te lumit Kir. Sipas banoreve te lagjes “Bleran” te fshatit Bardhaj, si dhe te lagjes periferike informale “Mark Lula” te qytetit te Shkodres, ka thuajse dy jave qe mbeturinat nuk hidhen dhe nuk digjen me ne vendin e meparshem. Fillimisht banoret u liruan nga shqetesimi disa vjeçar i djegies se qindra toneve mbeturina ditore te qytetit te Shkodres, qe shkarkoheshin prane “Varrezave te deshmoreve” dhe monumentit te “5 heronjve te Vigut”, por tashme ata verejne nje fenomen tjeter te demshem per te gjithe banoret e lagjeve ne fjale e ndoshta dhe me gjere.

Mbeturina “te fshehura”
Banoret e “Bleranit” dhe “Mark Lules” sqarojne se prej disa ditesh mbeturinat qe kishin mbetur nga djegiet e meparshme jane mbuluar me zhavorr dhe mbetje inerte nga punonjesit e mjetet Ndermarrjes se Pastrim-Gjelberimit. Sheshi i meparshem i grumbullimit te mbeturinave ka marre nje pamje tjeter, por mbeturinat vazhdojne te vijne naten dhe te hidhen disa metra me larg. Tashme problem nuk qendron ne djegien e mbeturinave, pasi nuk vihen re raste te venies se zjarrit, por eshte krijuar nje shqetesim teper i madh, pasi mbeturinat e qytetit jane duke u hedhur buze shtratit te lumit Kir. Banoret shprehen se problemi i pare qe shkakton hedhja e mbeturinave prane ketij lumi eshte ndotja shume e madhe e tij, kur dihet se ai lume kalon ne te dy lagjet per te vijuar edhe ne lagje te tjera me pas. Problemi i dyte per banoret e zones ne fjale lidhet me faktin se mbeturinat, ne vend qe te largoheshin apo hiqeshin krejt nga ajo zone i jane afruar edhe me shume banesave, duke rrezikuar shendetin e tyre. “Na eshte premtuar jo vetem per heqjen e mbeturinave, pasi do hidhen ne landfilldin e Bushatit, por asgje nuk eshte realizuar nga premtimet. Te pakten me parate tona qe paguajme si taksa te pastrimit qe paguajme te mos i sjellin mbeturinat prane banesave per te na semure si banoreve te kesaj lagjeje. Sipas banoreve te zones, vazhdimisht kane protestuar per hedhjen e mbeturinave prane banesave te tyre dhe gjithmone iu eshte premtuar se do te hiqen perfundimisht nga ajo zone e perfshire ne nje projekt rehabilitues, ku eshte parashikuar dhe gjelberimi i plote. Prej me se 15 vitesh, jo vetem nuk u mbajten premtimet per heqjen e mbeturinave dhe dergimin e tyre ne lanfilldin e Bushatit, por as te rrugeve qe jane ne gjendje te mjerueshme. Per banoret e zones ku hidhen mbeturinat e qytetit te Shkodres eshte e pakuptimte dhe e patolerueshme qe me parate e tyre, te taksave te pastrimit te paguajne sjelljen e mbeturinave prane banesave te tyre, duke u bere rrezik e shkak i shume semundjeve te rreth 7 mije banoreve te dy lagjeve. Nje problem tjeter, teper shqetesues qe krijohet nga hedhja e mbeturinave buze lumit Kir eshte edhe ngushtimi i perditshem i shtratit te ketij lumi. Per banoret e lagjeve “Bleran” dhe “Mark Lula”, ngushtimi i shtratit te lumit Kir do te thote permbytje te tokave dhe banesave te tyre gjate stineve me reshje. Ne keto kushte, banoret lagjeve “Bleran” e “Mark Lula” kerkojne ndalimin e menjehershem te hedhjes se mbeturinave buze shtratit te lumit Kir dhe banesave te tyre. Burimet nga Bashkia e Shkodres shprehen se shume shpejt te gjitha mbeturinat urbane do te hidhen ne landfildin e Bushatit, por pa mundur dot te japin nje date te caktuar. Gjithe problemi eshte krijuar nga komuna e Bushatit, e cila kerkon takse te larte per depozitimin e mbeturinave te njesive te tjera vendore ne lanfilldin e ngritur ne territorin administrativ te sa

[Edvin]

Zall-Herr, shkaterrohet shtrati i lumit
Ermelinda Hoxhaj, Gazeta Shqiptare

Shfrytezimi i shtreterve te lumenjve apo edhe i maleve per inerte, zhavorr, rere apo materiale te tjera ndertimi eshte nje problem kryesor, i cili sipas eksperteve do te kete pasoja te medha ne natyre. E tille eshte situate ne komunen Zall-Herr, ne lumin me te njejtin emer, apo ne fshatin Herrej, ku jane mbi 10 subjekte qe nxjerrin inerte nga lumi apo nga malet ne fshatrat qe bejne pjese ne kete komune. Edhe pse disa prej tyre nuk u jane rinovuar lejet mjedisore per vitin 2011 nga ministria e Mjedisit, subjektet vijojne t'i shfrytezojne pa te drejte e shtetrit te lumenjve apo malet, ku keta te fundit tashme jane shnderruar ne kodra te vogla dhe te paperfillshme, te cilat per banoret perreth tyre gjenerojne veç pluhur. Situata ne lumin Zall-Herr, por edhe ne lumin "Tirana" sipas specialisteve paraqitet dramatike per arsye sepse gerryerja e shtratit eshte bere pa asnje kriter, dhe sipas tyre ne periudhe reshjesh ky lum mund te kthehet ne nje 'perbindesh'. Ambientaliste Xhemal Mato, drejtues i shoqates "Ekolevizja" - thekson se ligjet per pezullimin e ketyre aktiviteteve qe shfrytezojne shtetrit e lumenjve per materiale ndertimi edhe pse eshte miratuar nuk respektohet pasi ministria e Mjedisit jo vetem qe vijon te japi leje mjedisore, por puna vijojne edhe nga ato subjekte qe u eshte refuzuar leja per 2011, sepse asnje institucion nuk u pezullon ushtrimin e aktivitetin.

Situata dhe problemet
Komuna Zall-Herr, sipas banoreve te saj duhet te ndryshoi emer dhe te thuhet komuna "Pluhur". Kjo per arsye sepse subjektet qe shfrytezojne shtratin e lumit, por edhe malet perreth shkaktojne ndotje shume te madhe. Biznesi i inerteve eshte nje nder me fitimpruresit ne vendin tone, vetem ne lumin Zall-Herr jane disa subjekte qe nxjerri rere dhe zhavorr, duke e shkaterruar shtratin e tij dhe duke vene ne rrezik banoret qe jetojne ne kete komune. Firmat e shfrytezimit te inerteve, por edhe guroret jane shume prane zonave te banuara, femijet per te shkuar ne shkolla shpesh here duhet te kalojne mes tyre. Disa prej subjekteve qe u ka kaluar afati i lejes mjedisore, ministria e Mjedisit, u ka refuzuar rinovimin e tyre per shfrytezim te lumit, por edhe gurore, por keto te fundit edhe pse nuk e kane marre lejen vijojne punen. Ky shfrytezim pa kriter si i lumenjve, por dhe i maleve sipas eksperteve mjedisor do te kete pasoja te renda dhe te parikuperueshme per natyren. "Problemet qe vine kur shfrytezohen lumenjte per nxjerrje inertesh jane nga me te ndryshmet. E para eshte qe lumi ndryshon regjimin e kalimit te ujit dhe do te kete shkaterrime. E dyta eshte se ndryshon faunen dhe floren e lumit, nuk mban me peshq. Marrja vazhdimisht nga natyra duke mos ja kthyer kurre po sjell çorientimin e natyres. Sa ndertesa jane bere ne Durres dhe Tirane dhe ne mbare vendin? Sa male me rere i jane marre lumenjve? Kjo babezi duke shkaterruar natyren dhe mungesa e kontrolleve nga qeveria, i ka kthyer lumenjte ne perbindesha qe po shkaktojne permbytje duke shkaterruar toka te tera, rreshqitje te dheut. Ne kemi rastin e Vjoses qe ka qene nje lum qe asnjehere nuk ka shkaktuar permbytje, tani çdo vit shkakton te tilla per arsye sepse eshte shfrytezuar barbarisht dhe lumi del nga shtrati sepse eshte bere i ceket" - ka deklaruar Specialisti Xhemal Mato. Sipas tij probleme me shkaterrimin e shtreterve te lumenjve ka ne çdo çep te Shqiperise, ku edhe pse eshte miratuar nje ligj per mos dhenien e lejeve per shfrytezimin e tyre, situata vijojne te jete e njejte. "Politika dhe qeveritaret jane te lidhur me biznesin e ndertimit. Bejne ligje per ndalim te subjekteve qe shfrytezojne malet dhe lumenjte per inerte dhe nga ana tjeter u japi leje mjedisore. Ose dhe kur ua refuzojne, ata vijojne punen dhe pa to sepse askush nuk i kontrollon"-ka theksuar Mato. Sipas tij nese nuk merren masa, dhe institucionet pergjegjese te punojne realisht per pezullimin e ketyre subjekteve, situate jo vetem ne lumin e Zall-Herrit por ne mbare vendin do te shkaktojne katastrofa.

[Edvin]

Masakër në Shkumbin, lumi plot me mbetje urbane
2011-06-10
Gazeta Shqip


Mjedis
Ekspertiza e shëndetit publik: Uji i ndotur, nuk mund të bëhet plazh në pjesën e poshtme

Ndaj lumit Shkumbin është duke u bërë një masakër e vërtetë natyrore. Buzë lumit, pothuajse në të gjithë gjatësinë e tij gjenden mbetje urbane, të cilat shkaktojnë një ndotje të madhe të ujit. Shkumbini mbledh mbetjet urbane dhe ujërat e zeza të Bashkisë së Përrenjasit, Librazhdit, Elbasanit, Rrogozhinës dhe të shumë komunave përreth. Më pas uji që ka një prezencë të lartë mikrobakteriale derdhet në plazhin e Divjakës dhe në grykëderdhjen e lumit vërehen mijëra ton mbetje urbane, të cilat janë depozituar në një zonë turistike të Divjakës. Kjo ka shkaktuar edhe largimin e pushuesve dhe zhdukjen e plazhit. Ditët e fundit Drejtoria e Shëndetit Publik ka kryer analizat e ujit të Shkumbinit.
Higjiena

Nga inspektorët e higjienës, është vënë re se në pjesën e poshtme të qytetit të Elbasanit, qytetarët nuk mund të bëjnë plazh pasi uji është i tej ndotur dhe kështu përbën një rrezik real për shëndetin e qytetarëve. Kreu i Shëndetit Publik , Bujar Kllogjeri rekomandon që qytetarët të mos lahen në ujërat e lumit Shkumbin. Sipas analizave, në mënyrë të veçantë në pjesën e poshtme të qytetit ndalohet futja në ujë, pasi ekspertiza epidemiologjike tregon se uji është shumë i ndotur si pasojë e derdhjes së ujërave të zeza të qytetit dhe fushës së grumbullimit të plehrave që ndodhet buzë lumit. Mbetjet rrisin mundësinë e kontaminimit të ujit me substance të rrezikshme, pasi skarpatet e larta të mbeturinave rrahin direkt në shtratin e lumit Shkumbin, duke provokuar ndotje masive.
Ndotja

Situata bëhet edhe më e rëndë, në kohën kur bie shi, pasi lëngjet e plehrave shkarkohen në ujërat e lumit Shkumbin. Po kështu një faktor tepër shqetësues për ndotjen e lumit mbetet edhe industria e rëndë, ku mbetjet e skrapit depozitohen në një zonë që ndodhet farë pranë lumit Shkumbin. Këto tre faktorë, ujërat e zeza, mbetjet urbane dhe mbetjet e skrapit shkaktojnë rrezik për zhdukjen e faunës dhe florës. Akumulimi i ndotjes pranë lumit Shkumbin, e bën ndotjen të qëndrueshme dhe me një impakt afatgjatë. Qytetarët nëse lahen në një ujë kaq të ndotur rrezikojnë të preken nga infeksione të ndryshme dhe rreziku për shëndetin është tepër I madh. Kllogjeri shprehet se në zonat që ndodhen sipër qytetit të Elbasanit si në: Mirakë, Librazhd dhe Përrenjas, rreziku për tu larë në lumë mbetet më i vogël pasi kontaminimi i ujit nga bakteret ndodhet në një sasi jo fort të konsiderueshme. Për t’i dhënë fund këtij fenomeni duhet që shoqëria të sensibilizohet në të gjitha format dhe mënyrat. Nga ana tjetër institucionet përgjegjëse duhet të marrin masat për përpunimin e ujërave të zeza, duke ngritur impiante në pikat me kyçe. Nga ana tjetër, fusha e grumbullimit të plehrave duhet të zhduket nga zona ku ndodhet aktualisht, si dhe të ngrihet një landfill larg zonës së banueshme dhe larg lumit Shkumbin. Sipas ekspertëve të shëndetit dhe mjedisit, mbetjet e industrisë së metalurgjikut nuk duhet të depozitohen buzë lumit Shkumbin. Por për të arritur këtë, duhet, sensibilizimi, punë dhe fonde.

[Edvin]

DSHP, thirrje banorëve: Mos u lani në Shkumbin!
Shekulli

Drejtoria e Shëndetit Publik në Elbasan u ka bërë thirrje banorëve të Elbasanit të mos lahen në ujërat e lumit Shkumbin gjatë gjithë rrjedhës së tij. Shkak për këtë thirrje janë bërë analizat e ujit të këtij lumi të zhvilluara së fundi nga specialistët. Ata kanë deklaruar se nga përfundimet rezulton se uji i lumit Shkumbin ka ngarkesë të madhe mikrobike dhe si i tillë këshillohet të mos frekuentohet nga banorët për t’u larë. Ata thonë se matjet janë bërë nga Përrenjasi e deri në pjesën e poshtme duke përjashtuar çdo pjesë të tij për frekuentim plazhi.

Sipas të dhënave të specialistëve shkak për këtë sasi ndotjeje është derdhja e ujërave të zeza duke filluar nga Përrenjasi e deri në Peqin. Drejtori i Shëndetit Publik, Bujar Kllogjeri, thotë se vetë banorët duhet të ndërgjegjësohen të mos frekuentojnë më ujin e lumit për shkak se ka rrezik të madh për infeksione të ndryshme.

Ndërkohë, këshillohet që nëse nuk shkohet në det atëherë mund të frekuentohen pishinat private dhe liqenet e Belshit të cilat nga matja e bërë rezultojnë në parametra të lejuar. Sipas Kllogjerit, në pishina do të bëhen kontrolle të vazhdueshme çdo javë gjatë gjithë sezonit veror që pishinat të mbajnë të njëjtat parametrat e kërkuar.

[Edvin]

Nga Top Channel Online

Top Channel denoncoi rreth 10 ditë më parë masakrën që po kryhet mbi shtratin e lumit Erzen vetëm pak kilometra nga kryeqyteti. Por pavarësisht fakteve të publikuara, asgjë nuk ka ndryshuar.

Dhjetëra kamionë vazhdojnë të transportojnë zhavorr pa ndërprerje cdo ditë për llogari të një firme ndertimi qe po punon per projektin e Unazes se Re te kryeqytetit dhe autostraden Tirane-Elbasan. E gjithe zona e lumit ne krah te Ures se Peshkatarit eshte kthyer ne nje kantier gjigand ku fadromat ngarkojne rreshtin e gjate te kamioneve qe ikin e vijne me nje ritem impresionues.

Nga lart masakra mbi shtratin e lumit Erzen behet edhe me e dukshme. Shtrati ne zonen ku punohet eshte pothuajse i shkaterruar i ndare e devijuar ne rrjedha te shumta.

Lugina e lumit Erzen eshte vendstacioni, ku fadromat e shumta ngarkojne kampionet e tonazhit te rende, te cilet udhetojne disa kilometra per te shkarkuar ne ate qe do te jete bypass-i i unazes se re te kryeqytetit dhe autostrades Tirane-Elbasan.

Lumenjte administrohen nga keshillat e baseneve, nen drejtimin e prefektit te qarkut me te madh ku kalon lumi. Jane pikerisht keto keshilla qe japin edhe lejet per shfrytezimin e tyre per materiale ndertimi. Shfrytezimi i lumenjeve behet vetem me sezone dhe vera eshte pikerisht sezoni kur shfrytezimi eshte i ndaluar.

Por per Erzenin, i cili vazhdon te shkaterrohet, nuk ka nevoje per leje shfrytezimi. Pas shkaterrimit te Ures se Peshkatarit ne rrugen Tirane-Elbasan disa vite me pare, si pasoje e shfrytezimit deri ne shkaterrim te shtratit, ky lume u perjashtua nga lista e lumenjve te shfrytezueshem. Megjithekete duket se askush nuk i pengon keta kamione gjigande te ngarkohen cdo dite te javes per llogari te ndertimit te kesaj rruge, edhe pse teknoligjia e ndertimit te rrugeve nuk e lejon perdorimin e zhavorrit te lumit per mbushjen e bazamentit te autostradave.

Top Channel u perpoq te merrte nje reagim zyrtar nga prefektura dhe zyrat rajonale e mjedisit por askush nuk pergjigjet. Nderkohe qe burime jo zyrtare pohojne se kjo masaker mjedisore po tolerohet nga qeveria per shkak te prioritetiti per ndertimin e unazes se re te Tiranes. Gjithashtu burime jo zyrtare pohojne se se shpejti pritet te merret nje vendim sipas te cilit qeveria do te jape drite leje per shfrytezimin e resurseve natyrore ne rastin e ndertimit te veprave te medha publike. Qellimi justifikon mjetin , qe do te thote mesaduket se per te ndertuar rrugen Tirane-Elbasan dhe unazen e re te kryeqytetit eshte vendosur shkaterrimi perfundimtar i lumit Erzen.

Video lajm: http://www.top-channel.tv/video.php?id=510

[Edvin]

Elbasan, lumi Shkumbin, “poligon ushtarak”
2011-10-27
Elbasan, lumi Shkumbin, “poligon ushtarak”
Gazeta Shqip
Oficerët djegin barutin në shtratin e lumit Shkumbin në kushte primitive

Lumi Shkumbin në Elbasan është kthyer në një “poligon” ushtarak, ku demontohen municione luftarake të kalibrit të rëndë. Gjatë një vëzhgimi vihet re se automjetet janë vendosur rreth orës 09.00 të mëngjesit dhe deri në 12.00, afër fshatit Xibrrakë, ku prej 3 orësh asgjësojnë municione me një makineri të posaçme demontimi. Personat që kryejnë procesin e asgjësimit të armëve luftarake, kryesisht të predhave, janë oficerë ushtrie.

Pas përfundimit të demontimit, oficerët djegin barutin në shtratin e lumit Shkumbin në kushte primitive dhe më pas mbledhin skrapin, duke e transportuar sërish me mjetet e tyre. Në vendin e demontimit ndodhet një automjet i bardhë me targa Kosove, prezenca e së cilës nuk dihet. Gjithashtu vihen re edhe persona pa uniformë ushtarake, të cilët janë të angazhuar gjatë gjithë procesit të demontimit. Nuk dihet arsyeja se pse Shkumbini është kthyer në një vend demontimi, por zyrtarisht poligonet miratohen me vendim të Ministrisë së Mbrojtjes.

Por ligji e ka të qartë që demontimi i municioneve luftarake bëhet vetëm në poligone ushtarake dhe nën masa tepër të rrepta, duke përmbushur disa standarde, si distancat e sigurisë, larg zonave të banuara, larg digave e burimeve ujore e të tjerë. Ministria e linjës duhet të japë një shpjegim të qartë rreth këtij fenomeni, që nuk dihet nëse është i përditshëm apo me grafik. Ajo që dihet publikisht është fakti se personat që marrin pjesë në poligonet e asgjësimit, kanë të “drejtë” edhe të mbledhin metalin për ta shitur për skrap, duke fituar në mënyrë individuale të ardhura financiare. Në një kohë kur Shqipëria është anëtare me të drejta të plota në NATO, asgjësimi nuk bëhet sipas standardeve të kërkuara nga këta të fundit, por në mënyrë artizanale.

Erzen, ura në prag të shembjes

Gërmimet në shtratin e lumit Erzen janë duke rrezikuar shembjen e një ure, si edhe kanë shkaktuar dëme në disa banesa të zonës.

Shtrati i lumit Erzen po shfrytëzohet nga firmat e inerteve gjatë gjithë rrjedhës së tij pa asnjë kriter. Banorët e fshatit Grumbllesh e kanë të vështirë të kalojnë urën e zonës, e cila është në rrezik shembje.

Banorët tregojnë se si pasojë e gërmimeve pa ndërprerje në shtratin e lumit, këmbët e kësaj ure janë zhvendosur, dhe pusi i ujit ka dalë jashtë funksioni. Por dëmet janë më të mëdha, pasi sa herë ka reshje, toka në kufi të lumit pëson shembje, duke iu afruar banesave dhe ndërtesat pranë janë të rrezikuara nga përmbytjet. Mësohet se Inspektorët e Mjedisit e kanë gjobitur disa herë këtë firmë, por ajo vazhdon e qetë punën. Gjobat nuk mblidhen, pasi edhe Inspektorati i Ndërtimit nuk ka ndërmarrë asnjëherë asnjë veprim.

[Edvin]

Shkodër, lumenjtë gërryhen nga firmat për të marrë inerte
2011-11-17
Gazeta Shqip

Institucionet përkatëse nuk marrin asnjë masë për parandalimin e këtij fenomeni

Ndërkohë që për Shkodrën flitet për masat antipërmbytje, situata duket tepër alarmante, kur aktualisht lumenjtë që rrethojnë Shkodrën vazhdojnë të gërryhen egërsisht nga individë dhe firma që marrin inerte, edhe më absurde bëhet gjendja kur dihet se në këtë periudhë është rreptësishtë e ndaluar ndërhyrja në shtratin e lumenjve. Nga sa vërehet në terren shihet qartë se shtrati i lumit Drin është nën kontrollin e ekskavatorëve, të cilët në mes të ditës pa u shqetësuar nga njeri gërryejnë shtratin e lumit për të nxjerrë inerte. Makinat që mbushen me inerte vazhdojnë rrugën për në destinacionin e tyre pa u trazuar nga njeri. Ndërsa e njëjta situatë është në shtratin e lumit Kir, ku ekskavatorët thellojnë shtratin e tij dhe gjithçka të ngjason me një punë rutinë të përditshme që kryejnë këto makineri duke prishur kështu ekuilibrat natyrorë të shtretërve të lumenjve. Pak javë më parë titullarë të Ministrisë së Mjedisit sqaruan me vendosmëri se duke filluar nga data 1 nëntor deri në muajin prill është e ndaluar rreptësisht çdo ndërhyrje në shtratin e lumenjve por realisht nga ajo që shihet në terren po ndodh krejt e kundërta.

Ndërhyrja në shtratin e lumenjve në këtë periudhë kur është edhe sezon shirash dhe Shkodra ka një eksperiencë të frikshme me përmbytjen duket tepër e papërgjegjshme nga institucionet përkatëse që lejojnë një gjë të tillë. Ndërkohë, sipas ekspertëve, thellimi i shtratit të lumit, duke marrë inerte në mënyrë të pakontrolluar, ndikon negativisht në lëvizjen natyrale të rrjedhës së lumit, duke provokuar kështu devijim të rrjedhës apo dhe dalje më të shpejtë të lumit nga shtrati i tij.

[Edvin]

Gërryerja në lumin Drin dhe Kir, gjobë prej 50 mijë lekësh subjektit
2011-11-20
Gazeta Shqip

Shkodër

Pas publikimit në gazetën “Shqip” të abuzimeve që po kryhen në shtretërit e lumenjve Drin dhe Kir, drejtoria e mjedisit në qytetin e Shkodrës ka nisur një aksion me qëllim gjobitjen e subjekteve që po kryejnë gërryerjen e këtyre shtretërve.
Sipas drejtorit të zyrës së mjedisit, Ilirjan Idrizi, në varësi të së cilës janë edhe territoret e lumenjve, mësohet se një subjekt privat është gjobitur me 50 mijë lekë, ndërsa është ndaluar rreptësishtë ndërhyrja e subjekteve në shtretërit e këtyre lumenjve. Pavarësisht se Ministria e Mjedisit kishte deklaruar se duke filluar nga data 1 nëntor deri në muajin prill të vitit 2012, nuk do të lejohet asnjë subjekt të ndërhyjë në shtretërit e lumenjve, faktet tregojnë se në Shkodër ka ndodhur krejt e kundërta. Shtretërit e dy lumenjve, Kir dhe Drin, që janë dhe lumenjtë për të cilët po investohet edhe në argjinatura me qëllim mbrojtjen e Shkodrës nga përmbytjet, janë shfrytëzuar në maksimum gjatë ditëve të fundit. Situata duket shumë absurde, kur institucionet ndërhyjnë për të penguar masakrën që bëhet në lumenj vetëm kur rastet bëhen publike duke u denoncuar nga mediat. Shtretërit e dy lumenjve, Drin dhe Kir, prej dekadash janë shfrytëzuar në mënyrë të pakontrolluar duke krijuar dëmtime serioze në ekuilibrin natyror të ekosistemit. Përmbytja që ndodhi një vit më parë, përveç shumë shkaqeve të tjetra, pati ndikim të padiskutueshëm jo vetëm nga amortizimi i argjinaturave, por dhe nga gërryerja pa kriter që u është bërë shtretërve të lumenjve.

I paska "fikur" firmat me gjoba 50 000 lekeshe...

[Edvin]

21 Nëntor 2011 - 08:15 | Shqiperi

Dëmtohet lumi Kir, banorët: Rrezikojmë të përmbytemi kur bie shiSHKODER- Lumi Kir këtë dimër mund të jetë një rrezik i vërtetë për Shkodrën. Shkatërrimet që i ka bërë dora e njeriut kanë bërë që ky lumë të kthehet në kërcënues me ardhjen e stinës së dimrit. Prezenca e mbeturinave, gërryerjet e shtratit të lumit, hedhja e inerteve në të gjithë gjatësinë e tij, janë shkaktarit e kësaj situate. Specialistët kanë kohë që deklarojnë se duhet të ndërhyhet dhe në fakt investimet nuk mungojnë.

Aktualisht mbi lumin Kir po punohet në 2 lote me një vlere investimi prej 79 milion lekësh. Punimet në dy anët e lumit i ngjajnë legjendës së kalasë Rozafa; ajo çfarë bëhet ditën me investimet nga buxheti i shtetit, prishet natën nga persona të paidentifikuar, të cilët hedhin mbeturinat dhe marrin inerte. Më e keqja është se këto dëmtime nuk ndodhin vetën natën, por edhe ditën. Mjafton një vëzhgim i shpejtë i zonës dhe e sheh qartë se pjesa anësore e argjinaturës mbrojtëse, fare pranë banesave të para, është dëmtuar në shumë vende, nga hedhja e mbeturinave dhe vetë dora e njerëzve të papërgjegjshëm që kanë kërkuar të nxjerrin nga betoni hekurin për skrap.

"Të gjithë e kanë marrë shumë lehtë këtë situatë. Kemi shkuar nëpër zyra dhe kemi kërkuar që të merren masa, të dënohen ata që po shkatërrojnë lumin Kir, por nuk kemi marrë përgjigje konkrete, vetëm fjalë të bukura. Policia duhet të vijë dhe të fusë në burg ata që nxjerrin hekur nga betoni. Ne e kemi shumë problem se kemi shtëpitë këtu dhe gjatë dimrit mund të përmbytemi", - thonë banorë të fshatit Bardhej.
(ma.ar/GSH/BalkanWeb)

[Edvin]

Masakra në lumin Mat, vijon shfytëzimi i inerteve

24/12/2011

Masakra mjedisore mbi lumenjtë vazhdon. Bizneset po grabisin nga shtrati i lumenjve, tonelata inertesh duke sfiduar hapur ligjin.

Se fundmi janë evidentuar aktivitete të paligjshme në shtratin e lumit Mat. Jo shume larg qytetit te Milotit, vetem disa metra larg Ures se Zogut, dhjetëra makineri po gërryejne shtratin e lumit per te marrë prej aty materialet inerte.

Ky aktivitet ka kohe qe vazhdon. Qetesisht ne mes te dites dhjetëra kamione ngarkohen prane Ures se Zogut pa i ndaluar askush. Deri tani nuk eshte verejtur asnje nderhyrje nga institucionet perkates te shtetit per te ndalur kete akivitet shkaterrues per mjedisin, i cili eshte i ndaluar me ligj.

As Drejtoria e Ruajtjes se Baseneve, as Policia Ndertimore nuk kane nderhyre ne ansje moment per te ndaluar kete aktivitet ilegal. Gerryerja e shtratit te lumit lumit Mat, keto vitet e fundit sipas institucioneve zyrtare eshte bere shkaktari kryesor i permbytjeve te mijëra hektareve toke are, si dhe qindra banesave ne Kurbin e Lezhe.

top-channel