Ndotja e ujrave nga derdhjet e naftes

[DNP]

Një ton hidrokarbure në kanalin e Roskovecit | 03/09/2010 | G. Metropol

Çdo ditë derdhen mbetje të papërpunuara në ambiente të hapura

Banorët: Vuajmë nga fenolet në gjak dhe prodhimet bujqësore janë tharë

DURRES- Mbetjet hidrokarbure po kthehen tashmë sërish në një problem shqetësues për zonën bregdetare të Semanit dhe Darëzezës. Në të vërtetë edhe ura e Hoxhares në Topojë është kthyer në vend për grumbullimin e mbetjeve hidrokarbure që vijnë nga zonat naftëmbajtëse të Ballshit e Patosit. Të dhënat e fundit bëjnë fjalë për më shumë se 1 ton mbetje hidrokarbure të derdhura në kanalin e Roskovecit. Autoritetet lokale thonë se e kanë të pamundur të kryejnë pastrim tjetër të kanalit dhe të parandalojnë ndotjen e zonës, pasi vetëm pak kohë më parë u bë pastrim rrënjësor. Por rrjedhjet e shumta të naftës dhe nënprodukteve të saj vazhdojnë të shkaktojnë probleme serioze edhe për jetën e banorëve në të gjithë qarkun e Fierit. Banorët që jetojnë në zonat naftëmbajtëse ankohen se përditë ka rrjedhje të naftës së papërpunuar në ambiente të hapura, gjë që shkakton probleme të shumta me shëndetin e tyre. Të gjithë këta të fundit vuajnë me problemet e karbonit në gjak. Ndërkohë që këtë vit ndotja u ka sjell dëmtime të shumta edhe në të mbjellat. “Jemi të dënuar nga Zoti. I gjithë kanali nga i cili ne mund të marrim ujë për vaditje është i ndotur. Nuk dimë ku të ankohemi për këtë problem. Na janë tharë të gjitha të mbjellat, ndërsa ne po vuajmë edhe problemet me shëndetin tonë kur në çdo muaj duhet të kurohemi për fenolet në gjak. Të gjitha kompanitë e naftës derdhin tonelatat të tëra nafte duke na shkatërruar jetën përditë”, ka deklaruar Fatmir Malaj nga Topoja. Ndërkohë burime nga kompanitë e naftës bëjnë me dije se amortizimi i depozitave të dekantimit të ndërmarrjeve të prodhimit të naftës dhe tubacioneve që bëjnë transportin e saj nga vendburimet në uzinën e përpunimit të Ballshit, ka bërë që derdhjet të shtohen gjithnjë e më shumë. Ndotja në të gjitha këto zona problematike bëhet e padurueshme në mbrëmje dhe në orët e para të mëngjesit. Nga ana e Agjencisë së Mjedisit është deklaruar se kompanitë ndotëse të mjedisit në rrethin e Fierit, ARMO dhe ALBETROL janë vënë në syrin e Ministrisë së Mjedisit. Sipas burimeve zyrtare të Agjencisë së Mjedisit në Fier niveli i ndotjes dhe ankesat e banorëve të zonave përkatëse janë dërguar në një relacion të detajuar pranë Ministrisë së Mjedisit. “Kemi nisur gjithçka pranë kësaj ministrie. Kemi detajuar edhe ndotësit që çlirohen nga nafta dhe hidrokarburet dhe jemi në pritje. Në këto raste kompanitë ndotëse gjobiten me gjoba të rënda”, ka deklaruar specialistja pranë Agjencisë së Mjedisit Angjelina Mërtiri. A. Damini

[Edvin]

25 Maj 2011 - 18:15 | Shqiperi

Fier, pushuesit: Plazhi i Semanit i ndotur nga mbetjet urbane

FIER- Sezoni turistik në plazhin e Semanit edhe pse këtë vit nuk është celur sipas traditës, ka tërhequr dhjetëra pushues.
Por turistët e parë shprehen të zhgënjyer, pasi sipas tyre, në vend të një ambjenti relaksues janë gjendur të rrethuar nga grumbuj mbetjesh urbane të hedhura pa kriter. Një tjetër faktor që ndikon në ndotjen e këtij plazhi është derdhja në të e hidrokarbureve.

“Ambenti është goxha i ndotur, ke frikë ti lësh fëmijët të luajnë. Plazh nuk mund të bëhet, këtu thjesht ndonjë shëtitje”, thotë një baorëe.

Ndërsa një tjetër shpreson se plazhi do pastrohet. “Shpresojmë që të pastrohet me kalimin e kohës”.

Plazhi i Semanit shquhet për vlerat e tij kurative. Vitin e kaluar ka pasur një rritje të ndjeshm të numrit të turistëve duke arritur deri në 40 mijë pushues ditorë.
(m.a/NEWS24/BalkanWeb)

[Edvin]

12 Korrik 2011 - 12:07 | Shqiperi

Vlorë, ndotet me solar bregdeti në gjirin e Zvërnecit

VLORË- Ndotet me solar gjiri i Zvërnecit në Vlorë. Kanë qënë pushuesit që kanë konstatuar mëngjesin e sotëm ndotjen në bregdet, duke dhënë kështu edhe alarmin.

Sipas tyre bregu i detit ka marrë ngjyrë të kuqe ndërsa ndjehet erë nafte në të gjithë bregdetin.

Në vendngjarje kanë mbërritur edhe specialistët, të cilët argumentojnë se shkak për ndotjen mund të jetë bërë ngarkim-shkarkimi i një anije që transportonte naftë.

Kjo ngjarje, ka detyruar të largohen edhe pushuesit që ndodheshin aty. Nuk bëhet fjalë vetëm pë pushues shqiptarë por edhe nga vende të tjera, të cilët e zgjedhin këtë plazh në Vlorë, pasi është i vetmi me rërë.
(m.a/BalkanWeb)

http://www.balkanweb.com/fotoAlbum/inde ... DFoto=3221

[Edvin]

Lajm i fundit|12/07/2011 13:33
Shekulli online
Solar në plazhin e Zvërnecit e Nartës, largohen pushuesit

Ndotja e detit në Zvërnec

Pushuesit largohen nga plazhi i Nartës. Shkak është ndotja e detit nga sasi të

konsiderueshme solari. Ka qënë ora 9 e paradites së sotme kur pushuesit e ardhur nga rrethe të ndryshme të vendit janë shokuar nga një sasi e madhe solari që ka pushtuar pothuajse të gjithë vijën bregedtare të plazhit të Nartës.
Një vijë bregdetare prej më shumë se 1 km është ndotur duke shkaktuar një katastrofë mjedisore. Pushuesit kanë shprehur shqetësimin duke qëndruar në bregdet, por pa u futur brenda në det, pasi uji i detit në një gjerësi prej 5 km është i ndotur.

Po ashtu kreu i kapitenerisë së portit të Vlorës Anastas Goga është shprehur se kjo sasi e derdhur në det është një masakër mjedisore e cila ka ardhur si pasojë e amortizimit të sistemit të tubacioneve të cilat çojnë naftën nga depozitat e Armos për në det.

“Po marrim masat që të pastrohet sa më shpejt dhe të fillojë sërish plazhi për pushuesit”, thotë Goga. Ndërkohë pritet të merren masa ndaj përgjegjësve për këtë masakër mjedisore.

Anila Peçi

[Edvin]

Masakër mjedisore në plazhin e Nartës. Naftë përgjatë vijës bregdetare
2011-07-13
Gazeta Shqip

Vlorë
Kreu i komunës: Ndotja, e qëllimshme. Prokuroria po hetohen shkaqet

Sasi të konsiderueshme me solar të lëngshëm janë hedhur dje gjatë mëngjesit në detin e zonës së Nartës dhe Zvërnecit. Disa tonë solar është hedhur në këtë bregdet, duke e ndotur këtë zonë të virgjër të bregdetit të Vlorës, në një vijë bregdetare prej dy kilometrash. Pushuesit të cilët kanë zgjedhur këtë bregdet për të kaluar pushimet e korrikut mbetën të shokuar, kur rreth orës 09.00 janë parë shenjat e para të kësaj ndotjeje. Nga ora në orë kjo sasi solari ka ardhur duke u shtuar, jo vetëm në vijë bregdetare, por ajo ka ngelur në bregdet në një masë prej më shumë se pesë metrash, ku pushuesit kanë dalë nga deti dhe gradualisht ikën nga plazhi. Për këtë situatë katastrofike, e cila nuk ka ndodhur ndonjëherë në bregdetin e Vlorës, strukturat përgjegjëse kanë ardhur për të parë nga afër këtë masakër dhe kanë shprehur shqetësimet e tyre. Komandanti i kapitanerisë së Portit të Vlorës, Anastas Goga, i cili ka qenë në këtë zonë të ndotur, tha se kjo është një situatë emergjente dhe se nuk është kryer ende një përllogaritje e saktë e këtij dëmi. Anija e cila ndodhej në brendësi të detit ka qëndruar për të marrë solarin nga depozitat e ARMO-s, të cilat gjenden në hyrje të qytetit të Vlorës, nëpërmjet një tubacioni nën tokë i cili më pas hyn në det me një gjatësi prej 3-4 kilometrash. Goga tha: “Jemi përballë një ndotjeje vajore dhe lënda mesa duket është solar. Kjo ka ardhur si pasojë e një operacioni ngarkimi nga kompania ARMO në një anije e cila ndodhet në det. Deri tani nuk e dimë ende nëse ky solar ka dalë nga sistemi i cili është amortizuar në det apo nga pikat e lidhjes së tubove të mbushjes në anije. Ne si kapitaneri jemi duke ndjekur situatën dhe duke kërkuar shkakun se nga ka ardhur kjo ndotje”. Ai shtoi se aktualisht, për shkak të ndotjes, ky plazh nuk mund të frekuentohet nga pushuesit, por së shpejti me mjete mekanike do të bëhet pastrimi dhe kthimi në identitet i këtij plazhi. Sipas tij, strukturat do të marrin masat për vënien përpara përgjegjësisë dhe ligjit të shkaktarëve të kësaj katastrofe. “Ne deri tani dimë që lënda është solar dhe po kryhet një operacion ngarkimi i kësaj lënde nga kompania ARMO. Po ashtu, pushuesit e shumtë, të cilët prej kohësh preferojnë këtë zonë të bukur dhe të pastër, kanë nisur të braktisin plazhin, pasi kanë parë se është e pamundur të lahesh në det. Ndërkohë, kreu i Komunës Qendër, Fredo Berberi, i cili e ka në juridiksionin e kësaj komune këtë zonë, tha për Shqip: “Unë si kryetar i kësaj komune ndiej shqetësimin e ndotjes së kësaj zonë, që para një viti është bërë një nga zonat më të preferuara të Gjirit të Vlorës. Kam bërë një padi në Prokurorinë e Vlorës, sepse mendoj se kjo mund të jetë bërë qëllimisht për komunën dhe për vetë zonën, pasi siç po shikohet, nga dita në ditë kjo zonë po popullohet me shumë pushues. Të gjithë gjejnë atë që i mungon në këtë zonë, dhe unë si kreu i komunës mendoj se e gjitha kjo është bërë qëllimisht.

[Rod Gjoka]

Sa i perket ndotjes ne plazhin e Vlores , Zverneci nuk eshte rasti i pare me te cilin perballemi ... fakti qe jemi kaq pak te ndjeshem ndaj te tilla fenomeneve eshte rrjedhoj e arsyetimit te gabuar si nga ana e shoqeris ashtu edhe nga instancat . Te tilla raste merren parasysh qe ne fazen e projektimit , dhe kam qene personalisht me funksionare e punonjes ne ate Tec kur na jane permendur menyrat e perballimit te ketilla rasteve . Ajo qe shohim eshte se masa te tilla ngelin thjesht ne leter dhe sherbejn sa per te vjelur fonde shtese dhe per te marre lejen mjedisore te ketij aktiviteti ... rasti konkret tregoi qe ndotja kishte arritur bregdetin dhe vazhdon te zgjeroj sip. e verprimit te saj ... Ne te vertet shprehja qe ne kemi ligje per gjithshka por qe funksionojne per asgje prek cdo rast ne lidhje me Mjedisin tone .
dikush permendi Solar dikush tjeter tha Nafte dikush permendi edhe ndotjen e qellimshme , por kush do merret me rikuperimine kesaj ndotjeje ?
Desha te shtoj se ne ate zone ndodhet pylli i sodes pak me tutje eshte ndertuar Tec-i Vlores , pra kemi nje zone jashtzakonisht te demtuar .
Impaktet jan te pallogaritshme , demet po ashtu , nafta qe ka shperhajme 1 pike nafte (1ml) ka shperhapje ne nje zone prej 10m .... imagjinoni 1 ton = 1000 kg
Faktet folen me imazhet qe u treguan , dhe ajo pak jete qe ekzistonte ne ate zone doli e masakruar e pajete ne bregdet po ate dite
Po ti shtojm kesaj edhe dekadat e veprimtaris ndotese nga pylli i sodes , ather do ishte me e veshtir te dilnim ne nje perfundim konkret per madhesin e demit qe po peson ajo zone ... dhe jo vetem ajo zone por transmetimi i ndotjes nga ciklet natyrore do e zgjeroj sigurisht harten e saj te veprimit .
C'fare mund te bejm per te shpetuar resurset tona natyrore me te cmuara ?
Pergjigjia eshte e thjeshte : te kerkojm pergjegjegjesin tek shkaktaret , te japim ndihmen tone ne rikuperimin e ndotjes ne cfardo lloj forme te dobishme , dhe te zbatojm ligjet mjedisore qe mos te ndeshkohemi nga ligjet e natyres !