Zhdukja dhe abuzimi ndaj kafshëve të egra në Shqipëri

[Edvin]

Shqipëria, për shkak të pozitës së saj gjeografike, ka qenë një vend me florë e faunë të pasur. E theksoj ka qenë, pasi me shekuj fauna e Shqipërisë është gjuajtur me ritme të shfrenuara, por masakra me shkatërrimtare që po i ndodh është kjo e fundit, nga viti 1990 e deri më ditët e sotme. Përveç zhdukjes së gjitarëve dhe shpendëve të vendit tonë nga vetë popullata që u armatos në 1997, kemi dhe gjuetarë shqiptarë e të huaj që po zhdukin me një ritëm të shpejtë kafshët e fundit të mbetura. Megjithëse shumë kafshë janë të mbrojtura me ligje shqiptare e nga dhjetëra konventa ndërkombëtare që drejtuesit tanë me zell i firmosin, te ne masakrimi i kafshëve ndodh në ditën me diell, në mes të mijëra personave dhe me license të vetë qeverisë. Nga fillimi i viteve 2000 e deri më sot, me mijëra italianë vijnë çdo vit, të organizuar nga agjenci gjuetie të cilat me 3000-5000 euro leje që paguajnë çdo vit, kanë të drejtë të dhënë nga vetë ministria e mjedisit që të vrasin çdo gjë të gjallë (përveç njerëzve) që u pëlqen, pa kuota e pa kontrolle. Nuk ka statistika për kafshët e mbetura gjallë pasi statistikat do të nxirrnin në pah shkallën e shkatërrimit dhe vrasjeve që njerëzit po i bëjnë faunës në Shqipëri. Vetëm dihet se nga studimet e biologëve e natyralistëve shumë të paktë shqiptarë, që shumë shpendë e kafshë nuk folezojne e ndërtojnë strofkulla më në Shqipëri pasi e dinë që i pret vdekja ose ndoshta vriten para se të arrijnë që të ndërtojnë fole e strofkulla. Te ne ka parqe kombëtare vetëm në letër, pasi parqet kombëtare nuk kanë roje, nuk kanë kontroll dhe me e keqja është se jepen leje për të gjuajtur në parqe kombëtare. Nuk ka nevojë të ikim larg për të parë masakrën e kafshëve të egra në Shqipëri, mjafton të ngjitesh në kodrat që janë rreth 100 larg lagjes në rrugën Medar Shtylla, kodrat ku është vendosur Kopshti Botanik, e të shohësh ushtrinë e gjuetareve që vrasin çdo gjë që lëviz në ato kodra duke vënë kështu në rrezik edhe jetën e mijëra qytetarëve të Tiranes që shkojnë në ato kodra për piknik ose për ajër të pastër.

Abuzimi me kafshët që nuk i vrasin merr përmasa edhe më çnjerëzore. Kafshët e zëna mbahen në kafaze tepër të ngushta, lidhen me zinxhirë, rrihen e plagosen, vihen të luftojnë me qen e lloj lloj formash torturash. Dhe këto tortura nuk ndodhin në ndonjë zonë të harruar larg syrit të publikut, ato ndodhin në mes syve të miliona vetëve, pasi në Shqipëri tortura dhe masakrimi i kafshëve konceptohet nga pronarët e lokaleve e restoranteve, si një gjë që i tërheq klientët megjithëse nuk kane bërë asnjë studim nëse ky konceptim është i saktë apo jo.

Shembuj shumë evident të mbajtjes së kafshëve të egra në robëri kemi në mes të Tiranës, siç është Kopshti Zoologjik dhe restoranti "Sofra e Ariut" ku kafshët e mbrojtura mbahen në kushte çnjerëzore dhe aspak të denja për to. Arinjtë e murrmë janë bërë ikonë e kafshëve që abuzohen më së shumti, megjithëse janë Specie e Mbrojtur Evropiane dhe nëse Shqipëria do të futet në BE, duhet të lirojë me qindra arinj të murrmë që mbahen në robëri. Ky është një problem që nuk prek direkt qytetarët, por që ka krijuar një imazh shumë të keq për Shqipërinë në BE dhe në rrethen ambientaliste në botë.

Si mund të jetojë një ari që ka nevojë për një territor gjuetie e jetese nga 38 km2-1000 km2, në një kafaz 2 me 2 metër hapësirë? Të gjithë besoj se e keni parë ariun e shkretë në plazhin e Durrësit që tërhiqet me anë të një unaze që i kanë vënë duke i shpuar buzën e sipërme, mes një vape përvëluese. Besoj i keni pare vuajtjet e atij ariu dhe se si ia kanë prerë dhëmbët dhe kthetrat në mënyrë qe mos te rebelohet e te sulmoje skllavëruesin e tij. Dhe më e keqja është se plazhistët e stimulojnë skllavëruesin e ariut, duke dalë në foto me ariun në këmbim të një pagese.
Rast tjetër është restoranti "Krasi" në Komunën Krahës në Qarkun e Gjirokastrës, ku ne kushte torturuese mbahet një ari në një kafaz 2 me 2 metra, dhe një ujk i lidhur me zinxhirë, ku herë pas here sulmohet nga qentë që pronari i le siç duket të argëtohen me ujkun e robëruar që në çastin kur ne e fotografuam, ishte i plagosur dhe i rridhte gjak nga kofsha e djathtë.
Për më tepër shihni fotot, ato flasin më shumë se 1000 fjalë ...

[Ledi]

Eshte e tmerrshme menyra se si trajtohen kafshet ne shqiperi.. Sa keq!

[Esi]

Per mendimin tim me kafshet e egra ne vendin tone jo vetem abuzohet por edhe keq trajtohen, ose me mire te themi u a bejne jeten ferr te shkretave kafshe. A nuk eshte e mjerueshme gjendja ne te cilen mbahen ato pak kafshe qe kane mbetur ne kopshtin zoologjik? Ose pseudogjuetaret tane qe dalin dhe gjuajne shpend, lloji i te cileve mund te jete edhe ne zhdukje?

[Edvin]

Puna e kopshtit zoologjik eshte prekur ndonje here ne ndonje artikull gazete dhe kaq. Ne si ambientaliste duhet te bejme nje proteste apo manifestim per te kerkuar kthimin e kopshtit zoologjik ne nje kopesht me ambiente te hapura per kafshet, dhe te lene aty vetem kafshe shtepiake qe mund te jetojne ne nje territor te vogel si ai i kopshtit zoologjik. Rruge tjeter nuk ka, edhe qelite e izolimit kane me teper hapesire per te burgosurit sesa kafazet e kopshtit tone zoologjik.

Sa per gjuetine, projekt-ligji i ri i gjuetise, parashikon nje moratorium te gjuetise deri me 1 shtator 2015. Kjo eshte nje gje e mire nese zbatohet, por prape mbetet pyetja--A do te mbrohen me te vertete kafshet pas 1 shtatorit 2015? (duke supozuar qe moratoriumi funksionoi. Kjo pyetje lind nga pervojat me mijera e mijera ligje qe kurre nuk zbatohen...

[mirjeta]

SA KEQ QE POLITIKANET TANE I "JAPIN" TOKAT DHE KAFSHET TONA SIKUR TE ISHIN PASURI TE TYRE PERSONALE DHE JO KOMBETARE!

[Edvin]

Gjuetia ilegale, kafshet e egra drejt shfarosjes
Fa.Ra., Gazeta Shqiptare

Grupe gjahtaresh te huaj nen shoqerine e "korriereve" vendas, prej kohesh po masakrojne kafshet dhe shpendet e egra ne Pogradec. Te dielen ne darke, ne nje hotel buze liqenit mberriten disa xhipa me disa gjuetare te huaj, te shoqeruar me vendas se bashku me gjahun e dites. Ata shkarkuan 10 lepuj te vrare, nje numer te madh thellezash mali e fushe si dhe disa shapka. Burime per "Gazeta Shqiptare" konfirmojne se ky eshte gjahu i nje dite te vetme, nderkohe qe ky grup gjahtaresh te huaj do te qendroje ne Pogradec per 10 dite. Paqesor Gorellari, sekretari i shoqates se gjuetareve, thote se "ka mbi 15 vjet qe vijne rregullisht ne Shqiperi gjuetare te huaj, sidomos nga Italia dhe Greqia, te cilet shoqerohen nga tregtare dhe matrapaze vendas, qe jane futur ne gare kush te sjelle sa me shume gjuetare te huaj ne vendin tone". Sipas tij, ky fenomen po shkakton nje masaker mbi kafshet dhe shpendet e eger. "Ne emer te futjes sa me shume te biznesmeneve te huaj dhe turisteve jane krijuar disa agjenci me gjuetare te huaj, te cilet jo vetem qe gjuajne edhe ne sezonin e ndaluar, por perdorin mjete ndjellese te ndaluara te ushtrimit te gjuetise si, regjistratore zeri te kafsheve dhe te shpendeve, te cilat i ndjellin tek vendi i prites. Perdorimi i prozhektoreve te fuqishem nga ana e gjahtareve ilegale eshte shfaroses", - shton ai. Mesojme se mishi i ketyre kafsheve dhe shpendeve te egra qe gjuhen ne trevat tona, shkon per klientelen e restoranteve te njohura ne vendet fqinje. Specialistet thone se nga kjo gjueti pa kriter jane zhdukur apo po shkojne drejt zhdukjes dhe shume kafshe apo shpende te rralle. Nder to specialistet permendin fazanin, thellezen e fushes, kaprollin, derrin e eger (ky drejt zhdukjes), thellezen e malit etj.

[Edvin]

Keto jane dy fotot te bere me date 8 qershor 2010, para sheshi Shopen, te hyrja e parkut te madh te liqenit. Posterat reklamojne dhe nxisin gjuetine, me mbeshtetjen e Ministrise se Kultures, Rinise dhe Sporteve. Gjuetia reklamohet si nje sport per te rinj, pjese e kultures shqiptare dhe si dicka qe do te zhvilloje turizmin. Dhe me e forta eshte se transmetohet ne TV dhe merr mjaft fonde...

[Edvin]

Gjuetia e paligjshme po zhduk faunën e egër
MARK BRUNGA | 11/10/2010 |Shekulli
Specialisti Zotaj: Janë dhënë leje për rreth 100 mijë armë gjahu. Shumë armë edhe nga ata që bëjnë gjueti të paligjshme

Gjuetia e paligjshme është shqetësuese. Konfirmimi vjen nga sekretari i shoqatës së gjuetarëve, Lelo Aleksi. Sipas tij, problematike janë sidomos rastet e armëve të gjahut që mbahen pa leje. Ai thotë se ata që mbajnë këto armë kthehen në rrezik për zhdukjen e shumë llojeve shpendësh dhe kafshësh te egra.

Nga gjuetia pa kriter po zhduken fëllënxa e fushës, fazani, lepuri, pasi gjuhet me drita natën etj. E keqja është se ata që nuk janë gjuetarë, nuk gjuajnë me sezone dhe dëmtojnë shpezët dhe kafshët e egra në sezonin e shtimit të tyre, gjë që është e papranueshme.

Për këtë shoqata e gjuetarëve po bashkëpunon me policinë pyjore për shtimin nga ana e saj të kontrollit ndaj gjuetisë abuzive dhe ajo ka marrë përsipër që ta vendosë situatën nën kontroll të plotë.

Në një takim të organizuar në Prefekturën e Durrësit një muaj më parë, specialisti i Ministrisë së Mjedisit, Haki Zotaj, tha se rrezikimi i faunës së egër vjen ngase janë në terren një numër i madh i armëve të gjuetisë. Ai u shpreh se janë dhënë leje për rreth 100 mijë armë gjahu dhe se shumë armë kanë në përdorim edhe persona që bëjnë gjueti të paligjshme.

Tender për zonat e gjuetisë

Në Drejtorinë e Shërbimit Pyjor të Qarkut të Durrësit është zhvilluar një tender për përcaktimin e disa zonave, të cilat do të shfrytëzohen për gjueti turistike nga subjekte private. Nga 4 zona që u tenderuan, janë përcaktuar si fituese vetëm 2 prej tyre me një sipërfaqe të përgjithshme prej 8000 ha.

Drejtori i Ndërmarrjes Pyjore, Enver Masha, thotë se në to do të ushtrohet gjuetia nga 1 tetori i këtij viti deri me 15 shkurt të vitit të ardhshëm. Sipas Mashës, në qarkun e Durresit ndodhen 8 zona gjuetie dhe pas tenderimit të këtyre 2 zonave, 6 zona të tjera mbeten në dispozicion të Shoqatës së Gjuetarëve.

Ai konfirmon se përfitimi financiar i këtij tenderimi është rreth 16 milionë lekë të vjetra. Pas përfundimit të tenderit është bërë edhe firmosja e kontratave përkatese mes Ndërmarrjes pyjore dhe subjekteve. E gjithë sipërfaqja pyjore me zona gjuetie në Durrës përfshin rreth 20 000 ha territor.

Sezoni i gjuetisë ka nisur më 1 tetor. Po me këtë kanë dalë në pah edhe shumë probleme shqetësuese.

Kreu i shoqatës së gjuetarëve, Asti Hanxhari, deklaron se nga 5000 gjuetarë që ka Qarku i Durrësit. rreth 4700 prej tyre nuk kanë paguar detyrimet që u takojnë ligjërisht si ndaj shoqatës, ashtu edhe kundrejt Ndërmarrjes Pyjore.

Hanxhari shprehu shqetësimin edhe për faktin, sipas tij të shtimit të gjuetisë pa leje me armë ilegale dhe që gjuajnë edhe në periudhat e shtimit të shpezëve të egra dhe e dëmtojnë mjaft faunën, gjë që ka ndikuar edhe në uljen e numrit të tyre.

Ndërsa për rrethin e Durrësit, numri i gjuetareve është rreth 4000 vetë, pagesat e kuotizacionit janë bërë vetëm nga rreth 300 anëtarë, në një kohë që rregulloret janë që detyrimi i anëtarësisë me një kuote prej 1000 lekësh te reja duhet paguar çdo vit dhe nëse kalojnë 2 vite pa paguar, me statut anëtarit i hiqet e drejta e mbajtjes së armës. Ndërkohë që konflikti i mospagimit me pyjoren është më i madh si dëm ekonomik.

Tarifat e gjuetisë për të janë përcaktuar me rreth 2000 lekë për gjuetarët në Qarkun e Durrësit, ndërsa për të gjuajtur në të gjithë vendin tarifa është 10 000 lekë të reja. Në Durrës nga 300 vetë që kanë paguar tarifat e shoqatës, vetëm gjysma kanë paguar tarifat e rrethit dhe të gjuetisë në të gjithë vendin. Pra rreth 150 vetë. Dëmi ekonomik i pyjores shkon në disa milionë lekë.

[Edvin]

Vazhdon lufta e panderprere dhe torturimi i kafsheve te egra e te buta. Arinjte po kapen masivisht, dhe ose po vriten e po vihen te balsamosur neper restorante, ose po mbyllen ne kafaze te vegjel per te kenaqur njerezit me torturat qe u behen. Shihni videon me te fundit te restorantit me te vone te hapur ne Tirane, ku "qeveria" as nuk denjon qe per sy e faqe t'i permbahet konventave qe ka nenshkruar..

http://www.youtube.com/watch?v=1Swe3KHjwQA

[Edvin]

Te gjithe e keni pare krimin qe behet ne mes te dites..